So mank ein Idee güng denn Autor dörch denn Kopp, de em inspirierte, im Sinn von de Soeben Rostocker Kenneworden, soeben Bäuker mit Geschichten un Reportagen tau schriewen. Fotografen, Chronisten un Sammler hemm em dorbi hulpen. As Kurt Kaiser mit 1040 Sieden fartig wier un uns de soeben Manuskripte oewergeef, resümierte he: „Ick wull bi Meckelnborgs Urgeschicht anfangen, oewer dor kehm mien ierst Problem: Opas Gedächtnis künn mi nich mihr helpen, up dat ick mi sünst verlaten künn. Also keek ick mi üm: Fritz Reuter vertellte mi "De Urgeschicht von Meckelnborg" in ein Bauk von Hinstorff, de Serrahner Paster Holm stellte mi ein oll Kirchenchronik tau Verfügung, Forscher Jost Fichtner ut Wilser Hütt, makte mi mit Hünengräwer in sien Gegend bekannt. Otto Schmidt, denn de Klatschmohnverlag sien Wark „Slawenlegenden“ rutgeew, erlauwte mi siene "Slawenlegenden" för mien plattdütsch Vertellungen tau nutzen. Dat Darwineum in ́ Rostocker Zoo, wier mi ok ein grot Hülp, üm öwer de Istied un dat Entstahn von uns Mecklenborger Land tau berichten. So entstün dat 1.Bauk, mit denn Titel: „Uns Meckelnborger Urgeschicht“ Dat 2. Bauk, heit „Rostocker Ströper“. Dat is ein autobiografische Vertellung öwer de Rostocker Jugend, de 1933 inschault un von de Nazis trimmt wür, dat se 1944 friewillig in denn Krieg trccken un bereit sin würn, för „Führer-, Volk- un Vaterland“ tau starben. In ́n 3. Bauk, mit denn Titel „Rostocker Hochseefischer“ warden mi up KTS ROS 320 „Evershagen“, up ́n Wech oewern Atlantik nah de ostamerikanische Georgesbank un tau Fangplätz ́ bi de Norwegenküst, spannende maritime Geschichten vertellt un ick beläw vör Urt de harte Ar- beit von Hochseefischer kenn ́, Stormsee bi 12 un anner Abenteuer. „Dörpgeschichten“ is de Titel von dat 4. Bauk Hier ward von Früher, oewer dat Läben in Kuchelmiß, un nah denn Krieg, in Toitenwinkel, vertellt. Hans, de Heimkihrer un Charlott, de ehre ost- preußische Heimat verloren hett, fangen tau- samen as Niebur ein nieget Läben an. IN MEMORIAM – Bedenken un Gedenken, is de Titel von dat 5.Bauk. Hier ward an denn antifaschistischen Wedderstand un de Opfer det Holocaust sowie an Börger de as „Aktivisten von de iersten Stun ́“, sik för Rostock un uns Land insett hemm, erinnert. Unner denn Titel: „Klönsnack oewer Dit & Dat“, heff ́k in ́n 6.Bauk ein bunt Verteller- Blaumenstrutz tausamenbun ́. Mit Mien Meckelnborg-Rostock-Chronik schluten sik in ́n 7. Bauk miene Vertellungen af, mit de ick noch ́mal wiesen wull, woher wi kamen un wat wi sünd.weiterlesen