Auf da Orglbaung
In da gaunzn Welt
war da Bruckna bekaunnt
mit seine Orglimprovisationen.
Ma kau si guat vuastölln,
wia da Bruckna
auf da Orglbaung sitzt
und mit Hent und Fiaß
so a Orgl spült,
dass‘ an
mit Haut und Haar
und bis tiaf ins Herz eini
trifft und bewegt.
Wia a großa hümmlischa Sturm
muaß des gwesn sei,
wia da Bruckna
oille Regista zong hat
auf so ana Orgl
und gspült hat
wia vor eam
und a nach eam
nu koana net gspült hat.
Neta schad,
dass damals
a de schenste Orglmusik
vaklunga is
auf nimma wiedahean, -
wirkli schad.weiterlesen
