Dee Bestseller aus den USA, elo op Lëtzebuergesch E „Buch ouni Biller“ – wat soll doru witzeg sinn? Mä elo emol am Eescht! „D’Buch ouni Biller“ vum B.J. Novak ass immens lëschteg, awer och extrem raffinéiert. Et hëlt de klenge wéi de grousse Lieser an Nolauschterer eescht a vermëttelt op eng verspillt-hannersënneg Manéier d’Freed um geschriwwene Wuert, um Liesen an u Bicher ganz allgemeng. Deemno dat idealt Buch fir ze liesen, fir virzeliesen a virgelies ze kréien. Hei de Link op Youtube, wou een den Auteur beim Virliesen an d’Begeeschterung vun de Kanner, déi him nolauschteren, materliewe kann: www.youtube.com/watch?v=cREyQJO9EPs. Zanter Woche steet „The Book With No Pictures“ an der New York Times op der Plaz 1 vun der Bestsellerlëscht. Elo, Ufank Dezember 2014, kënnt d’Buchsensatioun vun dësem Hierscht och op Lëtzebuergesch eraus, als éischt Iwwersetzung weltwäit, nach virun de Versiounen op däitsch, franséisch, schwedesch oder spuenesch.weiterlesen