Der Hans Reber isch mängs Jahr Sigrischt ir Chile z Wichtrach gsy. Da het er so mängs erläbt mit Wienachtsfyre, Konzärt, Pfarrherre, Schüeler, Truurende u Hochzytspaar. Wis geit, we alli by re Hochzyt da sy, nume der Pfarrer fählt, wie der Güggel uf em Chilchturm schreg steit oder e Chilchgänger bugeret wäg em ne Jodlerchor - der Sigrischt het geng e Lösig oder an Antwort parat! Mir heis hie aber nid mit em ne gwöhnleche Sigrischt z tüe. Der Hans Reber isch o no Komponischt u isch mängisch sogar aus Redner i re Predig ygsprunge. Er het de verzellt wis isch gange mit der Huguette, em ne Meitschi us Frankrych, wo während em Chrieg z Wichtrach i syre Familie gsy isch. weiterlesen