Em Schuggi sy Basel isch e Gschicht über e dyppisch Basler Maitli us dr Mitti vom letschte Joorhundert. Vo der Geburt iber d Daufi bis zer aigene Hochzyt beglaite mir s Schuggi und nämme dail an syne Straich, synen Erläbnis uff der Mäss, bim Voogel Gryff, an dr Faasnacht und vylen andere Gläägehaite. Die brächtige Helge vom Ruth Wärefels leen aim immer wider ebbis entdegge und zaigen aim bikannti Ort vo Basel wie byschpilswyys der Petersblatz, der Gämsbärgbrunne, d Spaalevorstadt, der Spaalebärg, der Andreeseblatz – kurz, me spaziert esoo kummlig in Basel umenand. Em Schuggi sy Basel ka me mit glaine Kinder aaluege, die Greesere lääse s sälber und die ganz Groosse schneigge gärn dinne, well s ene die aigeni Kindhait zrugg bringt. Und fir die, wo nit esoo guet Baseldytsch kenne, git s dr ganzi Täggscht uff schriftdytsch oder änglisch uff dr Haimsytte vom Spaaledoor Verlag oder vom Kulturhuus Bider und Tanner.weiterlesen