D Outorin isch sech fasch sicher, dass Schnouse vererbbar isch. Si isch i dere Beziehig öppe gar kes unbschribnigs Blatt und befürchtet, das Erbguet ihrne Ching wyterggäh z ha. Drum het si die choschtbare Praliné vor ihrne Buebe im Chäller versteckt –- u de prompt vergässe! Si dünkts haut, si sei als Meitschi e chly z churz cho mit Süessem. Si het sech aber z hälfe gwüsst u heimlich mängs verbotnigs süesse Teili ergatteret. D Barbara Wyder verzellt Gschichte us ihrer Chindheit, aber au settigi, wo si als Mueter u erwachsi Frou erläbt oder ghört het, und ladt öich zum Schnouse i däm Bändli i.weiterlesen