Macnaha erayga MAAN MAAL waxaan ogaaney- naa, markaan Muruq Maal la meel dhigno. Sheekooyinka qaarkood Soomaaliya waa ka caan, sida sheekada „Cali Duul-duul.“ Intooda badanna afka ayaa laga sheegaa. Asagoo aan dulucda sheekooyinka waxba ka beddellin, ayuu qoruhu ballaariyey, kuwana asaga ayaa curiyey. Sheekooyinka laba af ayaa lagu qoray, waxaana la isku dayey, in sida ugu dhaw la iskugu fasiro, si dadka qaarna af-Soomaaliga u aqristaan, kuwana afka Jarmalka, kadibna ay ka doodaan. Sidaasna waxaan ku ogaaneynaa, ineysan afafku is diideyn, balse ay is dhammeystirayaan. Dadka sheekooyinka aqrista, waxay ka dheehanayaan, waxyaabo ka qosliya iyo waxyaabo iney fekeraan ku kalifaya, oo maankooda raad ku reebaya. Sheekooyink qaar waxay ka hadlayaan, iney maskaxi mici maquunin karto. In beentii mar ku quudisaa, ay qoolna kugu ridi karto iyo in uusan baqayl mahadnaq mudnayn. Kuwana waxay sheega-yaan, miisaanka ay ballantu noolaha u leedahay.weiterlesen