Antologije maja w serbskim literarnym pismowstwje dołhu tradiciju. Wjelekróćna wudawaćelka woblubowanych zběrkow Ingrid Juršikowa je znowa serbske awtorki a serbskich awtorow, młódše a młódšich, nazhonite a nazhonitych, pohonjowała so za nowu antologiju pjera jimać, a njemało z nich je so do pisanja dało. Tak je nastała kniha z najwšelakorišimi temami a časami jednanja a rozdźělnymi stilemi pisanja. Tale literarna pisanosć je přewšo powabjaca, wšako je z wulkej wěstosću za kóždu čitarku a kóždeho čitarja něšto pódla, štož ju abo jeho zajimuje. Jěwa-Marja Čornakec na přikład wopisuje na žortne wašnje wuskutki lěkowanja ze »zelowym dynamitom«. Tež Jurij Koch je ze žortnym powědančkom wo wosebitym šerjenju zastupjeny. Někotři zhladuja do zašłosće, druzy wěnuja so dźensnišemu časej. Krótka zabawna lektura za dźeń a dlěše nazymske wječory. Awtorki a awtorojo zběrki: Beno Budar, Měrana Cušcyna, Jěwa-Marja Čornakec, Rejzka Delenkowa, Róža Domašcyna, Benedikt Dyrlich, Monika Dyrlichowa, Dušan Hajduk-Veljković, Lubina Hajduk-Veljkovićowa, Andreja Chěžcyna, Jurij Koch, Křesćan Krawc, Kito Lorenc, Lydija Maćijowa, Měrka Mětowa, Sylwija Šěnowa, Dorothea Šołćina, Alfons Wićaz, Měrćin Wjenk, Viktor Zakarweiterlesen