Pozastań a zastup do tuteje wosebiteje knihi, luba čitarka, luby čitarjo! Krótki čas jenož traje sněženkowe flockdownkino, pišpota w šlewjerju Hamorskeje milinarnje holanska fata morgana a pyta Julija swojeho nanka, toho rumpodicha na hodownych wikach. W tutej knize pak móžeš cyłu zymu a dlěje čitać. Awtorka wjedźe će do lubozneje krajiny pod Čornobohom a do wjelewěžateho Budyšina, rozmysluje wo dźiwnosćach serbskeje rěče a česćuje basnikow a wuměłče a rjekow wšědneho dnja. Měrana Cušcyna pisa hižo dołho nimo basnjow najwšelakoriše teksty, kiž su tu a tam w antologijach, w Rozhledźe a w Pomhaj Bóh wozjewjene. Wone wuńdu nětko hromadźe z nowymi prozowymi namakankami.weiterlesen