Dem chineesesche Philosoph Lao Tse säin Tao Te King zielt zu deene meeschtiwwersatene Bicher op der Welt. An den 81 kuerzen Texter fënnt een Denkustéiss zu alle Beräicher vum mënschlechen Zesummeliewen, mee ni absolut Wourechten. Duerch dës Oppenheet konnte sech Lieser aus deene verschiddenste Kulturkreesser an iwwert d’Epochen ewech fir dem Lao Tse säin Text begeeschteren. De Serge Tonnar huet den Tao Te King als éischten an d’Lëtzebuergescht iwwerdroen an dofir eng Wuertwiel getraff, déi einfach ass, ouni ze vereinfachen. Am Zesummespill mat den Aquarelle vum Jean-Marie Biwer – ee Bild pro Text – entsteet esou d’Méiglechkeet, dës al Philosophie am neie Gewand an an hirer Relevanz fir déi haiteg Zäit ze entdecken.weiterlesen