Uf äm Wäg zur Wiehnachte sy i der Adväntszyt rund um d Wält vieli Mönsche underwägs. Üsi Autorin isch mängs Jahr underwägs gsi, ihre Bruef het se i d Länder vom Morge- u vom Abeland gfüehrt. Vo dert het si viel schöni, fröhlichi, bsinnlechi Erläbnis mit heigno. Ihri wärtvolle Erinnerige het si ufgschribe u zu spannende Gschichte büschelet. So het sie sich zum Bispiil dür e Souk füehre la vomene zähjährige Burscht namens Ismael, isch mit ihm a Wäbstüel verbigschlenderet und het sech vom Jusuf es Gschänk us Side la gä. U wen jitz aube z Münsige bim Suhn u bir Schwigertochter d Lifttüre ufgeit, de gseht si dr Spiegel vo Marrakesch vor ire ar Wand. Dä erinneret se a die Berycherige u a die Fründschafte, wo si underwägs knüpft het.weiterlesen